мин

ДАШТ-2018: Хэн юу хэлэв?

Исланд, Мексик зэрэг багууд тун өнгөтэй байна.

М.Сугар-Эрдэнэ 2018.06.18 49 15 9

“ОХУ 2018" тэмцээний тусгай сурвалжлагч Ц.Энхтүвшин Москвагаас мэдээлж байна.

Хойд хөршид болж байгаа хөлбөмбөгийн ДАШТ эхлээд хэдхэн хонож байгаа ч хэдийнэ эхний сэнсаац гарч, хэд хэдэн шинэ рекорд тогтоод байна. Герман, Бразил, Франц, Испани, Аргентин гэсэн томчууд тааруухан байгаа нь харагдаж, харин эсрэгээр Исланд, Мексик зэрэг багууд тун өнгөтэй байна.

Диего Марадона: Аргентиний шигшээ багийн дасгалжуулагч Хорхе Сампаоли энэ маягаараа үргэлжлэх юм бол Аргентинд харьж чадахгүй болно. Түүнд ямар ч төлөвлөгөө байсангүй. Исландчууд өндөр гэдгийг мэдсээр байж, дээгүүр тоглох гэж оролдсоор байлаа. Энэ бол шившиг. Би тоглогчдыг буруутгахгүй, дасгалжуулагч л буруутай.

Бразилийн тоглогч Неймар: Бид ялах ёстой байсан. Улам илүү сайн дайрах ёстой байлаа. Шүүгчийн алдааг тоглогчид шүүгээд яах билээ. Өнөөдөр намайг маш их унагаасан. Гэхдээ би гэмтээгүй, жаахан л доголлоо.

Mексикийн багийн довтлогч Чичарито:  Германыг ялсандаа баярлаад байх хэрэг байхгүй. Одоо бид тайван байх хэрэгтэй. Бидний зорилго финалд үлдэх. Хөлбөмбөг бол математик биш болохоор хэн тактик сайн нь ялдаггүй.

“Манчестер Юнайтед” багийн дасгалжуулагч Жозе Моуриньо: Мексикчүүд ялсан нь шударга хэрэг. Тэд биеэ 100 хувь дайчилж зүтгэсэн бол германчууд тун удаан харагдаж байлаа. Заримдаа Германы баг тоглох хүсэлгүй байгаа мэт байлаа.

Германы багийн тоглогч Томас Мюллер: Мексикийн багийг чөлөөтэй тоглуулсан нь алдаа боллоо. Энэ алдааг засах гэсээр байтал тоглолт дууссан. Үлдсэн 2 тоглолтоо ялах л үлдлээ.

М.Сугар-Эрдэнэ 2018.06.18