1 мин
“ДАШТ 2018”: Никола Калиничийг шигшээ багаас хөөлөө
Тоглолтын 86 дахь минутад довтлогч Марио Манжукичийн оронд гарахаас Калинич татгалзсан
М.Сугар-Эрдэнэ
47 
10 
1 
“ОХУ 2018" тэмцээний тусгай сурвалжлагч Ц.Энхтүвшин Москвагаас мэдээлж байна.
“ОХУ 2018” тэмцээний анхны шуугиан Хорватын шигшээ багаас гарлаа. Тус багийн дасгалжуулагч Златко Далич довтлогч Никола Калиничийг багаасаа хөөжээ. Никола энэ сарын 16-нд болсон Хорват – Нигериийн тоглолтын үеэр сэлгээнд гарахаас татгалзсан байна. Тоглолтын 86 дахь минутад довтлогч Марио Манжукичийн оронд гарахаас Калинич татгалзсан тул оронд нь Марко Пьяца гарсан. Хорватууд тус тоглолтод 2-0 ялалт байгуулсан билээ.
Златко Далич “Нигеритэй хийсэн тоглолтын хоёрдугаар үед Никола талбайд гарах ёстой байлаа. Харин тэр бие халаалт хийж байснаа нуруу өвдөөд байна гээд талбайд гараагүй. Бразилтэй хийсэн нөхөрсөг тоглолтын үеэр ч тэр мөн сэлгээнд гарахаас татгалзаж байсан. Надад эрүүл тоглогч хэрэгтэй. Ингээд л түүнийг гэрт нь буцаахаар шийдсэн” гэж сэтгүүлчдэд ярьжээ.
Калинич Хорватын шигшээ багт 2008 оноос тоглож байгаа. Нийт 41 тоглолтод оролцож, 15 гоол оруулжээ. 2008, 2012, 2016 оны Европын АШТ-д оролцож байсан.
Тэмцээний дүрэм ёсоор Николагийн оронд өөр тоглогч мэдүүлж болохгүй тул хорватчууд ийнхүү нэг хүн дутуу боллоо. Тэд дараагийн тоглолтоо энэ сарын 21-нд Аргентиний багийн эсрэг хийх юм.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа