Зөнч гахай Маркус Нигерийг хагас шигшээд шалгарна гэв
Доналд Трампыг АНУ-ын Ерөнхийлөгч болно гэж тааж байсан ялгуусан намтартай гахай билээ.
Их Британийн зөнч гахай Маркус “ОХУ 2018” дэлхийн аваргын тэмцээний шөвгийн 4 багийг “нэрлэлээ”. Түүний өмнө ДАШТ-д оролцогч 32 орны далбаатай алим тавихад тэр эргэлзэх зүйлгүй Аргентин, Бельги, Уругвай, Нигерийн багийг сонгосон байна.
Энэ шалгалт бол Маркусийн амьдрал дахь хамгийн том сорилт байсан нь лавтай. Аргентин, Бельги, Уругвайн хүчтэй багуудын талаар хэлэх үг байхгүй ч Нигерийн шигшээ баг 4-т үлдэнэ гэдэг маш том сенсаац юм.
“Зөнч Маркус”-ийн эзэн Жульетта Стивенсийн хэлснээр бол Маркус нэг ч удаа алдаж байгаагүй гэнэ. Маркус 2014 оны дэлхийн аварга багийг Уимлдоны аваргатай нь таасан төдийгүй БРЕКСИТ, Доналд Трампыг АНУ-ын Ерөнхийлөгч болно гэж тааж байсан ялгуусан намтартай гахай билээ.