Эмилия Кларк “Хаадын тоглоом”-той салах ёс гүйцэтгэв
Яагаад түүний зураг авалт ийм хурдан дуусав хэмээн гайхаж байна.
“Хаадын тоглоом” цувралын сүүлчийн хэсэг ирэх жил гарах ч гол баатруудынх нь нэг Эмилия Кларк хэдийнэ кинотойгоо салах ёс гүйцэтгээд байна.
Эмилия өөрт нь алдар нэр авчирч, амьдралыг нь өөрчилсөн киноныхоо талаар “Завинд суугаад арлын зүг явж байна. Энэ газар миний хувьд 10 жилийн турш гэр минь болж байлаа. Бүхэл бүтэн адал явдал байлаа. @gameofthrones баярлалаа. Би үргэлж санан дурсаж, уйтгарлаж байх болно” гэж инстаграмдаа бичжээ.
Шүтэн бишрэгчид нь түүнд Дейенерис Таргариений дүрийг чадварлаг бүтээсэнд нь талархал илэрхийлэхийн зэрэгцээ яагаад түүний зураг авалт ийм хурдан дуусав хэмээн гайхаж байна. Вестеросийн төлөөх тулаан хэрхэн дуусах бол, Хааны титэм хэний гарт очих вэ, Дейенерис үхэх гэж үү гэсэн олон асуулт тавьжээ.