Тэр тэнгэр дээрээс тэмцээн үзэж байгаа


  |     2018-06-20 13:35   |     22207
  2018-06-20 13:35   |     22207

Та бүхэнд Бразилийн жирийн нэгэн балиашгийн сэтгэл хөдөлгөсөн түүхийг ярьж өгье. Түүний зургийг хараад та бүхэн хэн гэдгийг нь мэдсэн байх.
Кловис Акоста Фернандес бол Бразилийн шигшээ багийн хамгийн алдартай, хамгийн үнэнч фэн. Тэр амьдралынхаа турш шигшээ багаа дэмжихээр нийт 60 оронд очиж, 150 гаруй тоглолт үзсэн хүн. Кловис 6 ДАШТ, 6 Өмнөд Америкийн цомын тэмцээн, 4 Холбоодын цом, 1 олимпийн наадмыг газар дээр нь үзэж байв.
Порту-Алегри хотын эелдэг даруухан өвөө хөлбөмбөгийн түүхэнд хамгийн алдартай фэн болсон нь хөлбөмбөгт үнэн сэтгэлээсээ дурласны ач байсан юм.

Кловисийг аав нь хөлбөмбөг, Бразилийн шигшээ багт асар их хайртай болгон өсгөн хүмүүжүүлжээ. Түүнийг бага байхад аав нь 1958, 1962 оны ДАШТ-ий үеэр домогт Пелегийн багийн ялалт болгонд зориулан салют бууддаг байв.

1970 оны ДАШТ-ийг телевизээр үзэн сууж байсан залуу Кловисийн толгойд ДАШТ-ийг амьдаар нь үзэж, цэнгэлдэх хүрээлэнд шигшээ багаа дэмжих хүсэл мөрөөдөл төрсөн байна. Гэвч тэр үед Бразил улс ДАШТ-ийг зохион байгуулах талаар сураг ч байхгүй байлаа. Ингээд Кловис хэрэв ДАШТ нутагт нь болохгүй юм бол өөрөө очиж үзье гэсэн зоримог шийдвэр гаргажээ.

“Хүүхдүүдээ төрөхөд л аав минь Бразил дэлхийн аварга болсноос илүү баярлаж байсан байх” гэж түүний хүү Густаво Фернандес дурсаж байна.

1990 он хүртэл Кловис 4 хүүхэдтэй болж, жижигхэн пиццаны газартай, хөлбөмбөгөө үзэн амьдарч байлаа. 1990 оны ДАШТ Италид эхлэхэд хэдхэн сар үлдээд байхад тэр эртний мөрөөдлөө биелүүлэх цаг нь ирснийг ойлгосон юм.


Кловисийн охидууд: Маржори, Карини


Хүү Густаво, Франко нар аавтайгаа дандаа хамт явдаг байсан.

Итали явахын тулд тэр Пиццаны газраа зарлаа. Эсэргүүцэн тэмцсэн эхнэртээ багаасаа мөрөөдөж ирсэн төгөлдөр хуурыг нь худалдан авч өгөөд номхрууллаа. Тэдний гэрбүлийн найзууд нь бүгд толгой сэгсрэн, тэнэгийг нь гайхаж, дунд насны хямралд оржээ гэж оношилж байлаа.

Гэвч Гаучо (Кловисийн хоч, ковбой гэсэн утгатай) хямралд ороогүй, хөлбөмбөгөө үзээд, хайртай багаа л дэмжихийг хүссэн байв. ДАШТ явагдсан бүтэн сарын турш Италид аж төрөхийн тулд тэрбээр Италийн нэгэн Пиццаны газарт хөлсний ажил ч хийж үзжээ.

Бразилийн шигшээ баг Аргентинд ялагдсан ч Кловис огт өөр хүн болоод гэртээ харьж ирсэн юм. Хүүхдүүд нь том болж, эхнэр нь ч нөхрийнхөө хоббиг дэмждэг болсон байв. Кловис шинэ газарт очиж, шинэ хүмүүстэй танилцан, аялаж жуулчлах асар их хүсэлтэй болсноо мэдэрчээ.

1994 оны ДАШТ бол түүний хувьд биеэр очсон хоёр дахь ДАШТ. Энэ удаа Кловис хүүгээ эртнээс англи хэлний бэлтгэлд суулгаж байгаад Америк дагуулж явлаа. Бразилийн баг түрүүлэн, дэлхийн аварга болоход Кловисийн тэргүүлсэн бүлэг балиашиг телевизийн дэлгэцээр байнга гарч байсан юм. Бразилийн сонин хэвлэлүүд тэднийг Gaucho da Copa (Цомтой ковбой) хэмээн нэрлэж, шигшээ багийн тоглогчид ч тэдэнд талархал дэвшүүлж байв. Удалгүй тэдний “ковбой бүлэг”-т шигшээ багаа даган аялахад туслах ивээн тэтгэгч, дэмжигчид гарч ирлээ.


Фернандес 2014 оны ДАШТ-д Бразилийн баг бут ниргүүлсний дараа зээ охинтойгоо хамт

Улс орондоо “Цомтой ковбой” нэрээр алдаршаад байсан Кловисийн дэлхийн нийтэд танигдах цаг 2014 онд ирсэн юм. Бразил улс нутагтаа дэлхийн аваргын тэмцээн зохион байгууллаа. Шигшээ багаа дэлхийн аварга болно гэж найдаж, итгэж байсан ч харамсалтай нь хагас шигшээд Германы багт 1-7 ялагдаж, шившгээ тарих нь тэр. Фернандесийн цомоо тэврээд уйлж байгаа зураг дэлхийн бараг бүх оронд гарсан байх. Кловисийг “Дэлхийн хамгийн гунигтай хүн” гэж сэтгүүлчид цолложээ.


Гаучо гарын үсэг өгч байна

Ялагдсаныхаа дараа Кловис цомоо Германы багийн фэнд өгч, амжилт хүссэн зураг ч бас алдартай.
Кловис 9 жил хорт хавдартай тэмцсэн.

Кловис Акоста Бразилийн шигшээ багаа 2018 оны ДАШТ-д түрүүлнэ гэдэгт итгэж байсан. Гэхдээ энэ ялалтыг нь тэр харах хувь байсангүй.

Бүтэн 9 жил хорт хавдартай байхдаа ч тэр багаа дэмжин дэлхий тойрон явсаар л байсан. Хэвтэрт ороод хэвтэж байхдаа ч ковбой өвөө үргэлж инээмсэглэн, эргэн тойрондоо аз жаргал бэлэглэдэг байлаа.

2015 оны наймдугаар сард Кловес химийн эмчилгээнээс татгалзаж, сүүлийн хэдэн сараа гэрбүлийнхэн дундаа өнгөрөөхийг хүссэн. Үнэхээр сайхан өнөр өтгөн, хөгжилтэй, эв найрамдалтай гэрбүл.

Густаво, Франко хоёр ДАШТ үзэхээр ОХУ-д ирлээ. Гэхдээ тэдэнтэй цуг хайрт аав нь алга.

Аав нь тэнгэрийн орноос Бразилийн багаа дэмжиж байгаа нь эргэлзээгүй. Аавынхаа цомыг, малгайтай нь цуг хүүхдүүд нь ОХУ-д авчирсан юм.
Сүүлийн 30 жилд явагдсан хөлбөмбөгийн ДАШТ-үүдээс анх удаа бид Кловис өвөөг цэнгэлдэхэд харахгүй. Найрсаг зөөлөн, хүн бүхний хайрыг татсан Кловис өвөө та хөлбөмбөг сонирхогч хүн болгоны сэтгэл зүрхэнд үүрд үлдэнэ.


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

9 сэтгэгдэлтэй

  • Nnnnn   [103.57.95.162]
      2018-07-17 11:47
    Ymr gunigtai yumbe hunii amidral sonin shuu neg ni yvj bhad nogooh ni irj bdag odoo bga ene nasandaa zow l amidarch hiij uzhiig hussen buh yumaa l hiij uzeh heregtei

  • Nnnnn   [103.57.95.162]
      2018-07-17 11:47
    Ymr gunigtai yumbe hunii amidral sonin shuu neg ni yvj bhad nogooh ni irj bdag odoo bga ene nasandaa zow l amidarch hiij uzhiig hussen buh yumaa l hiij uzeh heregtei

  • Nnnnn   [103.57.95.162]
      2018-07-17 11:47
    Ymr gunigtai yumbe hunii amidral sonin shuu neg ni yvj bhad nogooh ni irj bdag odoo bga ene nasandaa zow l amidarch hiij uzhiig hussen buh yumaa l hiij uzeh heregtei

  • Nnnnn   [103.57.95.162]
      2018-07-17 11:47
    Ymr gunigtai yumbe hunii amidral sonin shuu neg ni yvj bhad nogooh ni irj bdag odoo bga ene nasandaa zow l amidarch hiij uzhiig hussen buh yumaa l hiij uzeh heregtei

  • Nnnnn   [103.57.95.162]
      2018-07-17 11:47
    Ymr gunigtai yumbe hunii amidral sonin shuu neg ni yvj bhad nogooh ni irj bdag odoo bga ene nasandaa zow l amidarch hiij uzhiig hussen buh yumaa l hiij uzeh heregtei

  • Зочин   [99.48.154.202]
      2018-06-29 07:28
    Танай сайт гаднын сайтын мэдээг зураг хөрөг тексттэй нь тэр чигт нь хуулчхаад ядаж эх сурвалжаа дор нь дурдаж байгаач!!! Бүр нэг гаршсан хулгайч сайт шүү

  • Зочин   [99.48.154.202]
      2018-06-29 07:28
    Танай сайт гаднын сайтын мэдээг зураг хөрөг тексттэй нь тэр чигт нь хуулчхаад ядаж эх сурвалжаа дор нь дурдаж байгаач!!! Бүр нэг гаршсан хулгайч сайт шүү

  • Зул   [203.91.119.86]
      2018-06-25 10:13
    Маш их сэтгэл хөдөллөө. Рокит бэеийн "Бүхий л амьдралдаа энгийн байснаас нэг өдөр амьдралын хаан нь бай" гэдэг дуу санаанд буулаа. Өөрийнхөө хүсэж мөрөөдсөн зүйлийн төлөө зоригтой алхамыг хийх хэрэгтэй::: үүнд нас, мөнгө, хугацааг шалтаг болголгүй зоригтой байх... Аливаад том өөрчлөлт золиосыг ч тэр, зоригийг ч тэр, бүр хүсэл мөрөөдлийг ч илүү хүчтэй, бат бөх болгодог гайхалтай

  • albaker   [93.65.89.201]
      2018-06-24 21:53
    Нөхөр бид хоёр дампуурлын төлөө хэр их өргөдөл гаргасан бол санхүүгийн эрх мэдэлтнүүдэд гүнзгий ханддаг байсан. Бид охиноо сургуульд явуулах чадваргүй коллежид илгээхэд бага мөнгөтэй байсан. Бидэнтэй адил хүмүүст тусалж, моргэйжийн өөрчлөлтийг авахад нь зориулж биднээс олгож буй цалингийн зээлийг (зээлийн компаниуд) хянадаг. Бидэнтэй холбоо барьсан компани бүр 1,000 доллараас 2,000 долларыг өмнө нь төлж чадахгүй байсан. Яагаад гэвэл бид танай гэрийг борлуулах, эсвэл гэрээсээ хасах найдвар байхгүй гэж бодож байсан. Дараа нь би орон нутгийн сэтгүүл дээр очиж, хавтас нь Зээлийн Бондын Корпораци байсан. Гурван гол алхмууд; 1. Та электрон мэдүүлгээ ирүүлнэ. И-мэйл: albakerloanfirm@gmail.com 2. Таны иргэний үнэмлэх, жолооны үнэмлэх, банкны дансны мэдээлэл байгаа эсэх талаар таних зөв арга хэрэгслээр хангах. 3. Зээлийг боловсруулж, баталж, дамжуулсан. Урт түүхийг богиносгосон бөгөөд тэд тогтмол хүүтэй зээлийг 4% -иар зээл авч, шинэчлэгдсэн төлбөрийг өөрчилсөн. Тэд мөн охидоо коллежийн бүрэн цалинтай болгохын тулд оюутны зээл олгосон. Бид Лассений зээлээр ажиллаж байсан, тэр бүх дэлхийн дэвшилийн талаар бидэнд анхааруулсан. Тэрбээр бүх бичиг баримт, утасны дуудлага хийдэг байсан. Тэд үүнийг бүгдийг хийж, бид хүлээн авсан зээлээ авсан. Би тэдний зээлийн нөхцөлийг хүлээн зөвшөөрч, банкин дахь дэлгэрэнгүй мэдээллийг ирүүлсэний дараа би эдгээр үйлчилгээг хямд үнээр төлсөн. Бид өөрсдийн мэдлэгээ хувиргах үйл явцаараа дамжуулан хялбар, хямд төсөр олж авч чадахгүй байсан. Би чамд талархах цаг ирээгүй, тиймээс Баярлалаа! Би илүү сайн багийг асууж чадсангүй. Би дахин санхүүжилт дээр шинэчлэгдэж байна. Таны хамгийн сайн зүйл бол, моргейжийн шилжүүлэг Хэрэв танд бидэнтэй адил асуудал тулгарвал зээлийн төлбөр тооцооны корпорацтай холбоо барина уу. Тэд ажиллах боломжтой. Хүндэтгэсэн, Тимоти, Мариа 2018 оны 6-р сарын 24-ний өдөр ТТГ-ын Колумби хотноо батлав

ДАШТ: Лондон, Парист метроны нэрийг өөрчиллөө

Notre-Dame des Champs буудлыг Notre Didier Deschamps гэж нэрлээд байна.

  2018-07-19 06:39

Лионель Месси Ибицад амарч байна

3 хүүхдийнхээ хамт далбаат завиар зугаалж явааг гэрэл зурагчид ийнхүү буулгажээ.

  2018-07-19 06:17

Видео: Үхсэнийхээ дараа гоол оруулсан хөлбөмбөгч

Кедуин Индриаго бол нас барсан хойноо гоол оруулсан цорын ганц хөлбөмбөгч.

  2018-07-19 04:15