1 мин
Ким Жон Ун Ши Жинпинтэй дахин уулзлаа
Ким Жон Ун 3-р сарын 25-28, 5-р сарын 7-8-нд БНХАУ-д айлчилсан билээ.
М.Сугар-Эрдэнэ
39 
26 
15 
“БНАСАУ-ын Хөдөлмөрийн намын тэргүүн Ким Жон Ун Хятадад айлчилж байна” гэж тус улсын хэвлэлүүд мэдээллээ.
Ким Жон Ун өчигдөр Бээжинд очсон бөгөөд айлчлал 2 өдөр үргэлжлэх юм. Ким сүүлийн 3 сарын дотор 3 дахь удаагаа Хятадад очиж байгаа нь энэ. Удирдагчийнхаа айлчлалын талаар Хойд Солонгосын хэвлэлүүд айлчлал өндөрлөсөн хойно бичдэг байсан бол энэ удаад эхний өдрөөс эхлэн мэдээлж байна.
Айлчлалын зорилго нь энэ сарын 12-нд Сингапурт болсон АНУ-ын Ерөнхийлөгч Доналд Трамптай хийсэн уулзалтынхаа талаар ярилцаж, Солонгосын хойгийг цөмийн зэвсэггүй болгох асуудлыг хөндөх гэнэ. Талууд энэ асуудлаар ижил байр суурьтай байгааг Хойд Солонгосын хэвлэл онцолжээ. Мөн Ким Жон Ун Хятадын Засгийн газрыг АНУ, БНАСАУ-ын дээд хэмжээний уулзалтыг зохион байгуулахад дэмжлэг үзүүлсэнд нь талархал дэвшүүлсэн байна.
Ким Жон Ун 3-р сарын 25-28, 5-р сарын 7-8-нд БНХАУ-д айлчилсан билээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа