Бензиний үнэ өссөнийг эсэргүүцсэн депутат ажилдаа мориор ирэв
Сүүлийн үед ОХУ-д бензин, шатахууны үнэ өсөөд байгаа.
Сүүлийн үед ОХУ-д бензин, шатахууны үнэ өсөөд байгаа. Засгийн газраас нефтийн бүтээгдэхүүн үйлдвэрлэгчидтэй хэлэлцээ хийсний дүнд үнийг түр зуур тогтоосон ч цаашдаа яах нь мэдэгдэхгүй хэвээр байна.
Шатахууны үнэ өссөн тул хүмүүс дугуй унах, хийн түлштэй машин авах гээд янз бүрээр унааны асуудлаа шийдэхээр оролдож байна. Харин Камчатк хязгаарын депутат Михаил Пучковский тун өвөрмөцөөр шийдсэн юм.
Михаил Пучковский ажилдаа морь хүлэглэж ирсэн бөгөөд морио уях гэтэл харуул зөвшөөрсөнгүй. Тиймээс тэр моринд зориулсан зогсоол шаардаж, яагаад нефтиэр баялаг Орос оронд шатахууны үнэ нэмэгдээд байгаад гайхаж байгаагаа илэрхийлсэн байна.