“Улаанбаатар Цом” боксын олон улсын тэмцээн эхэллээ
Нийт 13 улсын ширэн бээлийтнүүд хүрэлцэн ирсэн бөгөөд үнэхээр гал гарсан сонирхолтой тулаанууд биднийг хүлээж байна.
"Улаанбаатар цом - 2018" олон улсын боксын тэмцээн өчигдөр "Аса" циркэд эхэллээ. Тус тэмцээнд нийт 13 улсын ширэн бээлийтнүүд хүрэлцэн ирсэн бөгөөд үнэхээр гал гарсан сонирхолтой тулаанууд биднийг хүлээж байна.
Тэмцээн энэ сарын 20-24 нд явагдаж, өдөр бүр 13 цагаас эхлэнэ. Энэ жил Монгол Улсад боксын спорт үүсч, хөгжсөний түүхт 70 жилийн ой, Сөүлийн олимпийн наадмаас ГТ Н.Энхбат хүрэл медаль хүртсэний 30 жилийн ой, Монголын боксчин Э.Бадар-Ууган 2008 оны Бээжингийн олимпийн аварга болсоны түүхт 10 жилийн ой тус тус тохиож байгаа билээ. Тэмцээн үнэ төлбөргүй тул бокс сонирхогчид өргөнөөр ирж, Монголынхоо баг тамирчдыг дэмжээрэй.