PLAYTIME наадмыг зорих хүн бүхэнд ЗАЙЛШГҮЙ хэрэгтэй 10 ЗҮЙЛ
Хөлд эвтэйхэн Converse, биед эвтэйхэн цүнхээ үүрээд Playtime наадмаа зориорой.
1. Найзууд
Хөгжим байлаа ч найзууд байхгүй бол утгагүй. Хамтдаа хөгжилдөж, хамгийн сайхан дурсамж бүтээх хүмүүстэйгээ хамт яваарай.
2. Дулаан хувцас
Та хонохгүй байсан ч шөнө болтол гадаа хөгжим сонсох нь лавтай. Цаг агаар таамаглашгүй тул дулаан хувцасаа заавал аваарай. Хүнээс хувцас гуйлтай нь биш.
3. Майхан
Наадмын дундуур ганц цаг унтсан ч болно. Хонох, эсэхээс үл хамааран майхнаа заавал авч яваарай.
4. Зөөврийн цэнэглэгч
Ийм сайхан хөгжмийн наадам болж байхад утасны тань цэнэг дуусвал муухай биз дээ. Олон сайхан дурсамжаа хадгалж авч, өөрийн сошиал ертөнцдөө байршуулж чадахгүй болно гэсэн үг. Тэгэхээр зөөврийн цэнэглэгч хамгийн хэрэгтэй зүйл.
5. Хөлд эвтэйхэн Converse
Өдөржин бүжиглэж, алхах тул хөлд эвтэйхэн Converse-оо өмсөхөө мартуузай.
6. Малгай
Халуун, хүйтэн, бороотой, бороогүй бүх л үед малгай хамгийн их хэрэг болно. Харин ямар малгайгаар гоёхоо та өөрөө шийдээрэй.
7. Гангалах
Хөгжмийн наадам бол загварын тайз шиг байдаг. Наадмаа хүндэтгэн, хөгжмийн наадмын уур амьсгал бүхий хувцас сонгохоорой. Жижиг аксессуар ч байсан болно.
8. Нойтон салфетка
Халтартсан гар, хувцсанд тогтсон тоос шороогоо цэвэрлэхэд нойтон салфетка хэрэг болно.
9. Биед эвтэйхэн цүнх
Цүнх тань хэрэгтэй зүйлс багтаахаас гадна үүрэхэд биед эвтэйхэн байх хэрэгтэй. Хоёр гараа сул байлгаж, сайхан бүжиглэх учиртай шүү дээ.
10. #Playtime2018
Сошиал ертөнцдөө #playtime2018 хэштагийг хэрэглэцгээе. Наадмын сонин хачинг нэг дараад л сонирхож болно гэсэн үг.