ДАШТ 2018: Египетийн хөлбөмбөгийн холбоо заргалдана
Чухам юу тэдэнд таалагдаагүй вэ гэвэл шүүлт.
ДАШТ-ий хэсгийн хоёр дахь тоглолтдоо ОХУ-ын багт 1-3 ялагдаж, дараагийн шатанд шалгарах ямар ч боломжгүй болсон Египетийн хөлбөмбөгийн холбооноос тус тоглолтын үр дүнг шударга бус хэмээн үзэж байгаагаа илэрхийллээ.
Египетийн хөлбөмбөгийн холбоо Олон улсын хөлбөмбөгийн холбоонд гомдол мэдүүлж, тоглолтын дүнг цуцлахаар заргалдана гэдгээ мэдэгдсэн байна. Чухам юу тэдэнд таалагдаагүй вэ гэвэл шүүлт. Холбооны ерөнхийлөгч Хани Або Рида “Filgoal”-д ярилцлага өгөхдөө “Шүүгч нар маш их алдаа гаргалаа. Манай Марван Мохсенийг торгуулийн талбайд унагаасан нь цэвэр пенальти байлаа. Гэвч шүүгч видео бичлэгийн (VAR) системийг ашиглахыг ч хүсээгүй” гэж ярьсан байна.