Замын-Үүд сум түргэн тусламжийн автомашингүй хоёр жил орчим болжээ
Тус суманд 25 мянга орчим иргэн ажиллаж, амьдарч байна.
Дорноговь аймгийн Замын-Үүд сум нь 18 мянга гаруй иргэнтэй ч Хилийн боомт ажилладгийн улмаас дамжин өнгөрөгч, түр оршин суугчид нэмэгдсэнээс тогтмол 25 мянга орчим иргэн ажиллаж, амьдарсаар байна. Гэтэл сумын хэмжээнд 50 ортой эмнэлэг ганц байдгаас эрүүл мэндийн бүх төрлийн үйлчилгээг үзүүлдэг нь хэрээс хэтэрсэн ачаалалтай болжээ.
Сумын ард иргэд ч энэ талаар Ерөнхий сайд, Эрүүл мэндийн сайд нарт учирлаж байсан юм. Мөн өрхийн эмнэлэг нь дуудлаганд явах түргэн тусламжийн автомашингүй хоёр жил шахам болсон асуудлыг Эрүүл мэндийн яамнаас шийдэж, Замын-Үүд сумын өрхийн эмнэлгийнхэн түргэн тусламжийн автомашинаа хүлээж авлаа.