Монгол улсад #HeForShe хөдөлгөөнийг эхлүүлэх гэж байна
Та нэгдэж байна уу?
#HeForShe хөдөлгөөнийг 2014 онд НҮБ-ын Эмэгтэйчүүдийн Байгууллага болон алдарт жүжигчин Эмма Ватсон хамтран эхлүүлсэн билээ. Энэ бол эмэгтэйчүүдийг ялгаварлан гадуурхах, сөрөг хандлага гаргахын эсрэг, хүйсийн тэгш эрх бүхий нийгмийн төлөө дуу хоолойгоо өргөн, эвлэлдэн нэгдэх хөдөлгөөн юм. Тэр дундаа, утгачилбал "Тэр эмэгтэйн төлөөх эрэгтэй" гэсэн үгтэй эл үйл ажиллагаагаар дамжуулан тэгш эрх бүхий нийгмийг бүтээхийн төлөө эрэгтэйчүүдийг оролцохыг уриалдгаараа онцлог юм. Дэлхий дахинаа улс төр, нийгмийн зүтгэлтнүүд, урлаг соёлын алдартнууд гээд олон хүн #HeForShe -д нэгдээд буй. Тэгвэл Монгол улсад долдугаар сарын 9-нд энэ хөдөлгөөн албан ёсоор нээлтээ хийхээр болоод байна.
Та бүхэнд албан ёсны промо бичлэгийг хүргэе.
HeForShe хөдөлгөөний Монгол дахь нээлтийн ажиллагаанд төр, хувийн хэвшил, иргэний нийгэм, олон улсын байгууллагын хүндтэй төлөөлөгчид, олны танил эрхмүүд болон тэгш байдлын төлөө сэтгэлтэй залуус, иргэд нийлсэн 1000 хүн цуглаж, хэлэлцүүлэг өрнүүлэн, сэтгэл хөдлөм түүхүүдээ хуваалцах болно.
Дэлгэрэнгүй мэдээлэл авахыг хүсвэл ЭНД дарна уу.