Тина Тернерийн хүү амиа хорложээ
Крейг Студио-Сити дэх гэртээ өөрийгөө буудсан байна.
Америкийн дуучин Тина Тернерийн ууган хүү 59 настай Крейг Реймонд Тернер амиа хорложээ. Калифорни мужийн Цагдаагийн газраас мэдээлснээр Крейг Студио-Сити дэх гэртээ өөрийгөө буудсан байна.
Тина Тернер 18 настайдаа Крейгийг төрүүлсэн бөгөөд аав Реймонд Хиллтэй нь хүүгээ төрүүлснийхээ дараахан салсан юм. Дуучны хоёр дахь нөхөр Айк Тернер Крейгийг үрчлэн авсан билээ.
Крейг Реймонд Тернер сүүлийн үед үл хөдлөх хөрөнгийн бизнес эрхэлж байсан бөгөөд амиа хорлох болсон шалтгаан тодорхойгүй байгаа ажээ.
78 настай Тина Тернер одоо Парист Загварын долоо хоногт уригдан, оролцож байгаа гэнэ.