Якутын өвөл нь хүйтэн, зун нь шумуултайг илчилсэн бүсгүй
Якутыг зорих гэж буй хүмүүст зөвлөхөд хавар, намар очих нь дээр бололтой.
Өнгөрсөн өвөл Оросын Якутад бараг 70 хэм хүйтэрсэн талаар дэлхий нийт шуугисан билээ. Тэр үед инстаграмын од болсон нэгэн хүн бол Якутск хотын бүсгүй Анастасия Груздева байлаа. 2018 оны нэгдүгээр сарын 14-нд тэрбээр 50 хэмийн хүйтэнд хөмсөг нь цантсан зургаа тавьж, “Манай энд -50 хэм байгааг бүгд мэдэж байгаа биз дээ. Гэхдээ бид гадаа гарч, гудамжаар явж, бүр зураг хүртэл авч байгаа. Үхэхгүй л байна” гэж бичсэн юм. Энэ зураг тэр дороо 93 мянган лайк авч, CNN, National Geographic-т гарсан түүхтэй.
Анастасия энэ удаад өвлийн зурагныхаа рекордыг эвдэхээр шийджээ. Өвлийн Якут амжилт олсон юм чинь яагаад зуны Якут болохгүй гэж. Гэхдээ өвөл түүнийг хөлдчих вий гэж санаа зовж байсан бол энэ удаа ч бас үзсэн хүний санаа зовж байна. Анастасия шумууланд бариулж байлаа.
Зурагны тайлбар “Түр зуур зогсоод зураг авахуулмаар байна уу? Эсвэл цэцэг түүмээр санагдаж байна уу? Тэгвэл энд шумуул тэжээнэ гэсэн үг. Аймшигтай байлаа” гэжээ.
Якутыг зорих гэж буй хүмүүст зөвлөхөд хавар, намар очих нь дээр бололтой.