1 мин
Буриадад цас оржээ
3 см зузаан цасанд дарагджээ.
ОХУ-ын Буриадын Ахын аймагт долоодугаар сард цас орж, олныг гайхашрууллаа. Нутгийн иргэдийн ярьснаар цас уул, уулын бэлээр орсон байна. Буриадын Цаг уурын албанаас Соёны нуруунд цас үргэлжлүүлэн орно гэж мэдээлжээ.
Даваа гарагийн шөнө ууланд орсон цас өдөр нь Боксон тосгоныг дайрч, 3 см зузаан цасанд дарагджээ. Харин энэ үеэр Ока голын хөндийд ширүүн бороо орж байсан гэнэ.
Энэ үеэр цахилгаан тасарч, замд түгжрэл гарсан ч аюул осол гараагүй байна. Буриадын Ахын аймаг нь 6 мянган хүнтэй, баруун өмнөд хэсэгээрээ манай улстай хиллэдэг юм.