Их аварга Хакүхо гэмтээд тэмцээнээс гарлаа
Миягино оякатагийн мэдээлснээр өчигдрөөс эхлэн өвчин намдаагч хэрэглэн, хүйтэн жин тавьсан ч өвчин намдаагүй гэнэ.
Нагоя башёд 3 дараалан ялаад байсан их аварга Хакүхо өнөөдрөөс эхлэн башёг орхиж байна. Өнөөдөр эмнэлэгт үзүүлсэн Хакүход эмч нар баруун өвдөгний гэмтлийн улмаас 2 долоо хоног эмчлүүлэх шаардлагатай гэсэн онош тавьжээ.
Их аварга сэтгүүлчдэд “Хоёр жилийн өмнө Эндотой барилдаж байхдаа гэмтээсэн хуучин гэмтэл. Уржигдар хувцас солих өрөөнд халтираад тэнцвэрээ алдахад маш их өвдсөн” гэж тайлбарласан байна. Миягино оякатагийн мэдээлснээр өчигдрөөс эхлэн өвчин намдаагч хэрэглэн, хүйтэн жин тавьсан ч өвчин намдаагүй гэнэ.