мин

Дархан аварга Г.Өсөхбаяр зүүнийг, улсын аварга О.Балжинням барууныг магнайлан барилдаж байна

Энэ жилийн барилдаанд 512 бөх хүч бяр, уран мэхээ сорьж байна.

Э.Намуун 2018.07.11 34 24 21

6

Тулгар төрийн 2227, Их Монгол Улсын 812, Ардын хувьсгалын 97 жилийн ой, Үндэсний их баяр наадмын нээлтийн үйл ажиллагаа өндөрлөсний дараа үндэсний бөхийн барилдаан эхэлсэн юм. Энэ жилийн барилдаанд 512 бөх хүч бяр, уран мэхээ сорьж байна. Наадмын дэвжээнд  Монгол Улсын дархан аварга Г.Өсөхбаяр зүүнийг магнайлан гарч ирсэн бол Хөдөлмөрийн баатар, гавьяат тамирчин,  улсын аварга О.Балжинням барууныг магнайлан гарч, нэгийн даваа эхлэв.

Хүчит бөхийн барилдааны нэгийн даваанд улсын аварга 5, улсын арслан 9, улсын гарьд 6, улсын заан 9, улсын харцага 17, улсын начин 42, аймгийн арслан 99, аймгийн заан 20, аймгийн харцага 19, аймгийн начин 57, залуу бөх 145, цэргийн бөх 85, нийт 512 хүчит бөх барилдсан. Наадамд зодоглохоор нийт 512 бөх бүртгүүлснээс улсын цолтой 88 бөх байна. Допинг хэрэглэсэн гэх бөхчүүд бүгд энэ наадмын барилдааныг өнжиж байна.

Залуу бөх Г.Алтанабагана улсын арслан Д.Ганхуягаар хоёр давсан нь хоёрын давааны гол сенсаци байлаа. Учир нь том цолтон өвдөг шороодсон анхны тохиолдол байв. Мөн аймгийн начин Б.Чинбат Д.Бумбаяр заанаар, аймгийн харцага Б.Батсайхан Улсын харцага Х.Гантулгаар тус тус давлаа.

Бөхийн барилдаан өнөөдөр хоёрын даваагаар өндөрлөлөө. Маргааш буюу энэ сарын 12-нд гурвын даваагаар эхэлж, баяр наадмын барилдаан дуусах юм. 

Э.Намуун 2018.07.11

6