Шөвгийн дөрвөн бөх тодорлоо
Үндэсний Их Баяр наадмын долоогийн даваа өндөрлөв.
Тулгар төрийн 2227, Их Монгол Улсын 812, Ардын хувьсгалын 97 жилийн ой, Үндэсний Их Баяр наадмын долоогийн даваа өндөрлөв.
Архангай аймгийн Хашаат сумын харъяат улсын аварга Ч.Санжаадамба Сүхбаатар аймгийн Онгон сумын харъяат улсын харцага цолны болзол шинээр хангасан Шарын Мөнгөнбаатарыг барьц сонгооноос мордож, Сэлэнгэ аймгийн Мандал сумын харъяат улсын заан Нэгдэлийн Жаргалбаяр улсын арслан Ц.Содномдоржийг барьцгүй шилдэж хавираад давж, шөвгийн дөрөвт үлдлээ.
Улсын аварга С.Мөнхбат цэргийн арслан Т.Бэгзсүрэнг өвдөг шороодуулж, улсын арслан Н.Батсуурь аймгийн арслан Н.Золбоотой барилдаж, долоо давлаа.