Н.Батсуурь ес давж, улсын аварга боллоо
Үндэсний Их Баяр наадмын хүчит бөхийн барилдаан сайхан болж, өндөрлөлөө.
Тулгар төрийн 2227, Их Монгол Улсын 812, Ардын хувьсгалын 97 жилийн ой, Үндэсний Их Баяр наадмын хүчит бөхийн барилдааны есийн даваанд улсын аварга Ч.Санжаадамба, улсын арслан Н.Батсуурь нар тунаж үлдэж барилдлаа.
Үндэсний Их Баяр наадмын хүчит бөхийн барилдаанд улсын арслан Н.Батсуурь улсын аварга Ч.Санжаадамбаар ес давж, улсын аварга цолны болзлыг хангаж, наадамчин олныг баясгалаа. Улсын аварга Ч.Санжаадамба найм давж, үзүүрлэлээ.
Улсын аварга Н.Батсуурь "Дэнж хотойтол сайхан наадаж буйдаа баяртай байна. Монгол Улсын 23 дахь аварга болсондоо маш их баяртай байна" хэмээн сэтгэгдлээсээ хуваалцав. Дашрамд дурдахад, Үндэсний их баяр наадмын түрүү бөхийг “Ланд крузер-200” маркийн автомашинаар шагнах юм.