3 мин

Митакэүми Намрын тэмцээнд озэки цолны болзол сонсоно

Сэкивакэ цолтой түрүүлсэн 24 бөх байдгийн 23 нь дараа нь ёкозүна, озэки болж байв.

М.Сугар-Эрдэнэ 2018.07.18

Японы Нагоя хотод явагдаж буй мэргэжлийн сүмогийн Нагоя башёгийн эхний 10 өдөр өндөрлөлөө. Тэмцээнийг 10 даваатай Митакэүми итгэл төгс тэргүүлж байна. 3 аварга гэмтэлтэй, шинэ озэки Точиношин тэмцээний голоос гарч, макүүчигийн дээд хэсгийн бөхчүүдийн хэн нь ч түрүүлж болох сайхан боломж гарч ирсэн билээ. Дахиж олдохгүй боломжийг чулуу болгож байгаа нь ганц сэкивакэ Митакэүми байлаа. Такаясү, Гоэйдо арслангууд, Ичиножёо нар боломжоо ашиглаж чадсангүй. Митакэүми нэхэгчдээс 2 даваа илүү байгаа тул энэ маягаараа түрүүлэх шинжтэй байна.

Сэкивакэ цолтой түрүүлсэн 24 бөх байдгийн 23 нь дараа нь ёкозүна, озэки болж байв. Эхний 10 өдрийн байдлаар сэкивакэ цолтон нэг ч унаагүй 10 даваатайгаар башёг тэргүүлсэн нь хамгийн сүүлд 2005 оны Намрын тэмцээний Котоошюү байлаа. Озэки цол олгох дүрмэнд сэкивакэ, комүсүби цолтойгоор сүүлийн 3 башёд 33 ялах гэж заасан байдаг. Митакэүми өнгөрсөн башёд 9 ялсан тул энэ тэмцээнд түрүүлэхгүй байлаа ч ирэх Намрын тэмцээнд 12, 13 давахад озэки болно. Тиймээс энэ башёд нэг даваа ч гэсэн олон давах нь түүнд ус агаар мэт хэрэгтэй байна.
Жюүрёод манай Таканоива 9 даваатай, санданмэд Кагамио, жониданд Саданохикари нар 5 давсан амжилтаар тэргүүлж байна.

Дээд зиндаа

Зүүн	Цол	Баруун
Какүрюү гэмтэл	Ёкозүна	Хакүхо гэмтэл
Кисэносато гэмтэл	Ёкозүна
Гоэйдо 7-3	Озэки	Такаясү 7-3
	Озэки	Точиношин гэмтэл
Ичиножёо 4-6	Сэкивакэ	Митакэүми 10-0
Тамаваши 6-4	Комүсүби	Шёохозан 2-8
Шёодай 2-8	М 1	Котошёогикү 3-7
Икиой 5-5	М 2	Чиёонокүни 6-4
Аби 2-8	М 3	Такакэйшёо 7-3
Кайсэй 7-3	М 4	Кагаяки 3-7
Дайшёомарү 3-7	М 5	Ёшиказэ 0-10
Эндо 7-3	М 6	Чиёотайрюү 7-3
Такарафүжи 4-6	М 7	Дайэйшёо 4-6
Чиёошёома 3-7	М 8	Кёкүтайсэй 3-7
Миёогирюү 7-3	М 9	Ютакаяма 7-3
Чиёомарү 4-6	М 10	Нишикиги 5-5
Аойяма 5-5	М 11	Ооношёо 5-5
Саданоүми 6-4	М 12	Араваши 3-7
Точиоозан 8-2	М 13	Асанояма 8-2
Котоэко 3-7	М 14	Окиноүми 4-6
Ишиүра 4-6	М 15	Рюүдэн 6-4
Хокүтофүжи 7-3	М 16	Мэйсэй 3-7

Монгол бөхчүүд

Жюүрёо
Б-3 Таканоива А.Баасандорж 9-1
З-5 Дайшёохо Р.Шижирбаяр 5-5
3-6 Сэйро А.Өнөболд 5-5
Б-6 Кёкүшюүхо Т.Эрдэнэбаатар 6-4
Б-7 Азүмарюү С.Тодбилэг 4-6
Б-11 Миторюү Б.Төрболд 6-4

Макүшита
Б-3 Кирибаяма Б.Лхагвасүрэн 2-3

З-6 Тэрүнофүжи Г.Ган-Эрдэнэ гэмтэл
З-34 Гоочёозан Д.Ууганбаатар 1-4
Б-36 Асахирюү Б.Дэнзэнсамбуу 3-2
З-39 Кёкүсоотэн Э.Энхманлай 2-3
Б-46 Сакигакэ Я.Баттүшиг 2-3
Санданмэ
Б-11 Кагамио Б.Нанжид 5-0