1 мин

Казахстанд машин оруулдаг монгол мафийг Казахстан, ОХУ мөрдөнө

Ихэнх нь 2001-2010 онд үйлдвэрлэгдсэн Өмнөд Солонгосын Хюндай, Киа машинууд байгаа аж.

М.Сугар-Эрдэнэ 2018.07.18 19 12 4

11

Сүүлийн үед Казахстанд дуулиан тариад байгаа нэгэн хэрэг бол Монголоос Казахстанд хууль бусаар машин оруулдаг бүлэглэл болоод байна.
Казахстаны Санхүүгийн сайд  Бахыт Султанов сэтгүүлчдэд мэдээлэл өгөхдөө яаж Монголоос ирсэн машин ямар ч гаалийн шалгалт, татваргүйгээр хил нэвтрээд Казахстаны дугаар аваад байгааг ойлгохгүй байгаагаа хүлээн зөвшөөрсөн байна. Казахстанд машин оруулдаг монгол мафийг тэд ОХУ-ын гааль, Цагдаагийн газартай хамтран шалгаж эхлээд байгаа гэнэ.

Бахыт Султанов “Хаанаас энэ машинууд гараад ирэв, яаж бүртгүүлээд дугаар авав, яагаад татвар төлөөгүй байгаа вэ гэдгийг ОХУ-ын холбогдох байгууллагуудтай хамтран шалгаж, орж ирсэн маршрутыг судлаж байна. 3 жилийн өмнөөс эхэлсэн бололтой. Одоогийн байдлаар Монголоос ямар ч бүртгэлгүй 800 машин орж ирсэн нь тогтоогдоод байна. Тоо улам өсөх байх. Манай замын цагдаагийн газраас ийм машинуудыг шалгаж, хурааж байгаа. Машины эзэд хууль ёсоор авсанаа батлаж чадахгүй бол бид бүх машиныг дуудлага худалдаагаар зарж, улсын орлого болгох болно” гэжээ.
Хуурамч бичиг баримтаар хил давуулсан машинууд Казахстан, ОХУ-ын гаалийн шалгалтын үр дүнд илэрсэн бөгөөд ихэнх нь 2001-2010 онд үйлдвэрлэгдсэн Өмнөд Солонгосын Хюндай, Киа машинууд байгаа аж.

М.Сугар-Эрдэнэ 2018.07.18

11