Аваргууд амлалтаа биелүүлж эхэллээ: Льорис согтож, Рами Ринертэй барилдлаа
Набиль Фекир, Оливье Жиру: үсээ хусна
“ОХУ 2018” ДАШТ эхлэхээс өмнө Францын шигшээ багийн зарим хөлбөмбөгчид хэвлэл мэдээллээр дэлхийн аварга болсон тохиолдолд яах талаараа олон амлалт өгч байсан билээ.
• Адиль Рами: Олимпийн хошой, дэлхийн 10 удаагийн аварга жүдоч Тедди Ринертэй барилдах
• Тома Лемар: үсээ будна
• Набиль Фекир, Оливье Жиру: үсээ хусна
• Уго Льорис: Ниццагийн пабуудыг дайлаар мордох
• Блез Матюиди: Парисаас Тулуза хүртэл дугуйгаар аялах ( 800 км)
Энэ бүх амлалтаас хамгийн эхнийх нь биелэлээ оллоо. “Марсель” багийн хамгаалагч Рами Францын жүдо бөхийн домгийн эсрэг татами дээр гарч, халз үзэлцлээ. “Тулаан”-ыг TF1 телевиз дамжуулан үзүүлжээ.
Адиль, Тедди нар анд найзууд тул Адильд аюул осол учирсангүй. Ринер найзаа “хайрлан” чанга ч шидсэнгүй.
Үлдсэн амлалтуудыг хөлбөмбөг сонирхогчид тэсэж ядан хүлээж байна. Хамгийн хэцүү нь Блез Матюидигийн амлалт. Дугуйгаар 800 км явна гэдэг найздаа зөөлөн шидүүлэх, үсчинд очихоос хавьгүй хэцүү билээ.