ДАШТ: Лондон, Парист метроны нэрийг өөрчиллөө
Notre-Dame des Champs буудлыг Notre Didier Deschamps гэж нэрлээд байна.
Хөлбөмбөгийн ДАШТ-д амжилттай оролцсон Франц, Английн шигшээ багууд эх орондоо харихад нь гэнэтийн бэлэг хүлээж байлаа.
Залуухан багтай оролцсон ч ДАШТ-ий шөвгийн 4-т багаа үлдээсэн Английн багийн дасгалжуулагч Гарет Саутгейтийн нэрээр Лондонгийн метроны Southgate буудлыг нэрлэх болсон байна.
Буудал дээр “Гайхалтай аялал хийсэнд тань талархаж байна, Гарет Саутгейт” гэж бичжээ.
Харин Францын нийслэлд хэд хэдэн буудлын нэрийг өөрчилсний дотор Victor Hugo буудлыг Victor Hugo Lloris, Notre-Dame des Champs буудлыг Notre Didier Deschamps гэж нэрлээд байна.
Гэхдээ 2 хотын захиргаанаас сарын дараа хуучин нэрийг дахин ашиглана гэж мэдэгджээ.