Буриадад 3 мм бууз хийж, рекорд тогтоов
Шүүгчид хамгийн жижиг буузыг зүсэн, дотор нь мах амталгаа ном ёсоор байгааг үзэгчдэд харуулсан байна.
Буриадын Улаан-Үд хотод болсон “Буузны шоу” арга хэмжээний үеэр буриад тогооч хамгийн жижигхэн бууз буюу ердөө 3 миллиметр бууз хийжээ.
Тус шоунд хамгийн жижигхэн бууз 3 минутад хийх даалгаврыг Буриад, Монголын 3 тогоочид өгсөн байна. Ингээд 3 мм бууз түрүүлж, үлдсэн хоёр тогооч 4 мм бууз хийжээ.
Шүүгчид хамгийн жижиг буузыг зүсэн, дотор нь мах амталгаа ном ёсоор байгааг үзэгчдэд харуулсан байна.
Түрүүлсэн тогооч Японд болох “Орос хоолны 7 хоног” өдөрлөгт оролцох эрхээр шагнуулжээ.
Буриадын Аялал, жуулчлалын сайд Мария Бадмацыренова өнгөрсөн долоо хоногоос бууз арга хэмжээг орон даяар эхлүүлээд байгаа юм. Сайд бууз хийж байгаагаа бичлэг хийгээд 7 хүнд “бууз” ажиллагааг дамжуулан өгөх аян өрнүүлсэн. Мария Бадмацыренова буузыг “Буриадын брэнд хоол” гэж нэрлэсэн юм.