Жиру амлалтаа биелүүлж үсээ хусав
Жиру твиттер хуудсандаа “Хэлсэн л бол хийнэ шүү дээ” гэж бичжээ.
“ОХУ 2018” ДАШТ эхлэхээс өмнө Францын шигшээ багийн зарим хөлбөмбөгчид хэвлэл мэдээллээр дэлхийн аварга болсон тохиолдолд яах талаараа олон амлалт өгч байсан билээ.
• Адиль Рами: Олимпийн хошой, дэлхийн 10 удаагийн аварга жүдоч Тедди Ринертэй барилдах
• Тома Лемар: үсээ будна
• Набиль Фекир, Оливье Жиру: үсээ хусна
• Уго Льорис: Ниццагийн пабуудыг дайлаар мордох
• Блез Матюиди: Парисаас Тулуза хүртэл дугуйгаар аялах ( 800 км)
Энэ бүх амлалтаас хамгийн эхнийх нь биелэлээ олж, Рами Францын жүдо бөхийн домгийн эсрэг татами дээр гарч, халз үзэлцсэн талаар бид мэдээлсэн.
Харин энэ удаад Францын шигшээ багийн довтлогч Оливье Жиру амлалтаа биелүүлж, үсээ хуссан байна. Жиру твиттер хуудсандаа зургаа оруулж, “Хэлсэн л бол хийнэ шүү дээ” гэж бичжээ.