Каирт илжгийг эрээн тахь болгосон байжээ
10-р ангийн сурагч Мухаммед Сархан илчилсэн байна.
Египетийн нийслэл Каир хотын нэгэн амьтны хүрээлэн гэрийн илжгийг будан, эрээн тахь гэж хүмүүст үзүүлж байжээ.
“Extra News” телевизийн мэдээлснээр энэ хууран мэхлэлтийг 10-р ангийн сурагч Мухаммед Сархан илчилсэн байна.
Ангийнхныхаа хамт амьтны хүрээлэн үзэж явсан хүү нэгэн эрээн тахины хар судал нь халуунд хайлан урсаж, нүдэнд нь орж байгааг харжээ. Бусад тахины биен дээрх судлууд ч урсаж байсан байна. Сархан “эрээн тахины” зургийг авч, Facebook дээр тавьсан нь Арабын хэвлэл мэдээллийн анхаарлыг ихэд татаж, судлаач эрдэмтэд хүрээлэнд очиход үнэхээр жирийн илжиг байсан нь мэдэгджээ.
Хүрээлэнгийн эзэн эрээн тахь худалдан авах гэсэн ч үнэтэй байсан тул илжиг будах санаа төрсөн гэж мэдүүлсэн байна.