Головин “Монако”-г сонгож, ОХУ-ын хамгийн үнэтэй тоглогч болов
Жирковийн рекордыг эвдлээ.
ОХУ-ын шигшээ, ЦСКА багийн 22 настай тоглогч Александр Головин өнгөрсөн ДАШТ дээр гялалзсан залуу тоглогчдын нэг байсан билээ. Дэлхийн аваргын өмнө түүнийг Италийн “Ювентус” авах гэж байна гэсэн яриа гарч байсан боловч Головин Францын “Монако”-г сонгов. Головинийг “Монако” 30 сая еврогоор авч байгаа нь түүнийг ОХУ-ын хамгийн үнэтэй тоглогч болголоо.
Талууд 5 жилийн гэрээ байгуулжээ. Головин өнөөдөр Монакод эрүүл мэндийн үзлэгт ороод асуудал байхгүй бол гэрээнд гарын үсэг зурна. Түүний цалин жилд 2 сая евро.
Хамгийн үнэтэй ОХУ-ын тоглогчид
1. Александр Головин – ЦСКА-гаас “Монако. 30 сая евро (2018)
2. Юрий Жирков – ЦСКА-гаас “Челси. 21 сая евро (2009)
3. Роман Павлюченко – “Спартак”-аас “Тоттенхэм. 17,4 сая евро (2008)
4. Андрей Аршавин – “Зенит”-ээс “Арсенал”. 16,5 сая евро (2009)
5. Динияр Билялетдинов – “Локомотив”-оос “Эвертон”. 10 сая евро (2009)
6. Дмитрий Аленичев– “Спартак”-аас “Рома”. 7 сая евро (1998)
7. Александр Кержаков – “Зенит”-ээс “Севилья”. 5 сая евро (2006)
8. Павел Погребняк – “Зенит”-ээс “Штутгарт”. 4,8 сая евро (2009)
9. Марат Измайлов– “Локомотив”-оос “Спортинг”. 4,5 сая евро (2008)
Францын “Монако” баг Головиноос үнэтэй ердөө хоёрхон тоглогч авч байсан нь Колумбын шигшээ багийн одод.
1. Хамес Родригес (“Порту”) – 45 сая евро (2013)
2. Фалькао (“Атлетико”) – 43 сая евро (2013)
3. Александр Головин (ЦСКА) – 30 сая евро (2018)