Alibaba-гийн шинэ өрсөлдөгчтэй танилц: Pinduoduo


  |     2018-07-28 16:55   |     659
  2018-07-28 16:55   |     659

Өнгөрсөн долоо хоногт Nasdaq-ийн хөрөнгийн биржид Хятадын шинэ тоглогч IPO хийлээ. Энэ бол Pinduoduo. Шанхайд төвтэй тус компани Alibaba-гийн Taobao-тай ижил үйл ажиллагаа явуулдаг. Интернет худалдааны тус платформоос МАШ ХЯМД үнээр бүтээгдэхүүн худалдан авах боломжтой гэнэ. Тиймээс ч өнгөрсөн пүрэв гарагт тус компанийн нэгж хувьцаа Nasdaq-ийн хөрөнгийн биржид 26.7 ам.долларт хаагдаж, компани тэр дороо 29.6 тэрбум ам.долларын үнэлгээтэй болов. Үүнтэй зэрэгцээд Pinduoduo-гийн үүсгэн байгуулагч Хуан(Zheng Huang) Хятадын технологийн салбарын хамгийн залуу тэрбумтан боллоо. Түүний хөрөнгийг 13.8 тэрбум ам.доллартай тэнцэнэ гэж Forbes тооцоолж байна. 

Pinduoduo юу хийдэг вэ?

Alibaba-гийн Taobao-тай адил Pinduoduo нь интернет худалдааны платформ юм. Үйлчлүүлэгч өдөр тутам дэлгүүрээс худалдан авдаг бүтээгдэхүүнийг онлайнаар санал болгодог. Pinduoduo-гийн мэдээллийг олон нийтийн сүлжээнд, тухайлбал WeChat болон QQ-д хуваалцаж болдог гэнэ. Ингэснээр хэрэглэгчид бие биенээ үйлдвэрлэгчийн илүү хямд үнэтэй танилцуулж чаддаг байна. Олон нийтийн сүлжээний найзуудтайгаа хамтаар бараа бүтээгдэхүүн худалдаж авахад илүү хямд үнэ, урамшуулал санал болгодог учраас хүмүүс нэлээд сонирхдог аж. 

Мөн Pinduoduo-гийн бас нэгэн хэрэглэгчдийг татаж байгаа зүйл нь маш хямд үнэ юм. Ихэвчлэн бүтээгдэхүүний үнэ 90 орчим хувиар хямдарсан байдаг гэнэ. Тухайлбал, 10 хайрцаг буюу 6.4 сая ширхэг амны цаасан алчуурыг 12.9 юань буюу 1.9 орчим ам.доллараар худалдаж авсан тохиолдол гарчээ. Мөн 4.8 сая ширхэг шүхрийг нэг бүрийг нь 10.3 юаниар борлуулжээ. Энэ нь 1.51 ам.доллартай тэнцэж байна. 

Бөөний үнээр борлуулалт хийх тус компанийн загвар нь борлуулагчдад их хэмжээний захиалга авахад тус болж байна. Үүнийг дагаад бүтээгдэхүүний үнэ ч буурах боломжтой юм. Pinduoduo-гийн энэхүү загварын талаар дотоодын мэргэжилтэн “Alibaba-гийн Taobao нь олон төрлийн бараа бүтээгдэхүүнд суурилдаг. Харин Pinduoduo нь шинэ тутам мэдээлэл гаргахаас гадна үйлдвэрлэхэд хялбар цөөн бүтээгдэхүүнд анхаарлаа хандуулж байна” гэсэн юм. Taobao нь олон төрлийн бүтээгдэхүүний сонголттой. Харин Pinduoduo нь цөөн тооны бэстселлерийг онцолдог. 

Pinduoduo-гийн хувьд 2015 оны есдүгээр сард анх байгуулагдсан. Тус стартапын үүсгэн байгуулагч Колин Хуан өмнө нь Google-д ажиллаж байжээ. Pinduoduo-г үүсгэн байгуулахаасаа өмнө тэр ouku.com, Leqi зэрэг интернет худалдааны платформыг хөгжүүлж байсан юм. 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Эргэлтийн цэгээс шинэ амьдралаа эхлүүлэх боломж

Хайртай, дотны бүхнээ хэзээ ч ирэхгүйгээр холдон одохоос нь өмнө амжиж баярлуулаарай.

  2018-09-26 13:13

Монгол Улсын Ерөнхий сайд Дэлхийн банкны Ерөнхийлөгчтэй уулзав

Эдийн засгийн өсөлтийг тогтворжуулах, хүртээмжийг нэмэгдүүлэхэд анхаарч ажиллана.

  2018-09-24 10:47

Монгол, Америкийн харилцаа шат ахиж, өргөтгөсөн иж бүрэн түншлэлийн түвшинд хүрснийг нотлов

Монгол Улсын Ерөнхий сайд У.Хүрэлсүх АНУ-ын Дэд Ерөнхийлөгч М.Пэнстэй уулзлаа.

  2018-09-20 12:23