1 мин
Н.Мөнхшүр, Н.Энхшүр хоёр ОХУ-ын шоунд уригдлаа
Н.Мөнхшүр, Н.Энхшүр нар Гиннессийн номд албан ёсоор бүртгэгдсэн сертификатаа энэ зун хүлээн авсан.
М.Сугар-Эрдэнэ
36 
19 
15 
Ой тогтоолтын насанд хүрэгчдийн дэлхийн аварга, олон улсын их мастер, Монголын оюун ухааны академийн ихэр тамирчид Н.Мөнхшүр, Н.Энхшүр нарт ОХУ-аас урилга иржээ. “Россия 1” телевизийн сувгаас тэднийг “Удивительные люди” буюу “Гайхалтай хүмүүс” шоундаа оролцохыг урьжээ. Ихэр охидуудтай хамт тэдний дасгалжуулагч Х.Хатанбаатар явах юм.
Н.Мөнхшүр, Н.Энхшүр нар Гиннессийн номд албан ёсоор бүртгэгдсэн сертификатаа энэ зун хүлээн авсан. Тэд БНХАУ-ын Шенжень хотод болсон 100 мянган ам.долларын шагналын сантай ой тогтоолтын тэмцээнд амжилттай оролцон дэлхийн рекордыг шинэчилж, Гиннесийн номд бичигдэхээр болсон юм. Шведийн тамирчны 30 минутад 5040 цифр цээжилсэн дээд амжилтыг Н.Мөнхшүр 5325 цифр болгож, дараа нь Н.Энхшүр 5445 цифр болгон эвджээ. Ихэр охид одоо Бээжингийн их сургуулийн хэлний бэлтгэлд суралцаж байгаа бөгөөд дөрвөн минутад 80 ханз тогтоож, хятад оюутнуудыг ч гайхуулж байгаа гэнэ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
У.Чинзориг
О.Анхзаяа