1 мин

Э.Эрдэнэмандах Рубик шоог хөлөөрөө 30 секундэд эвлүүлжээ

Энэ нь Монголын рекорд амжилт юм.

М.Сугар-Эрдэнэ 2018.07.30 32 18 4

6

Өчигдөр буюу 7 дугаар сарын 29-нд БНХАУ-ын Бээжин хотод явагдсан Рубик шооны "Beijing Summer 2018" тэмцээнд нийт 350 тамирчин өрсөлдсөн бөгөөд манай улсыг төлөөлж Монголын Оюун Ухааны Академийн багш Э.Эрдэнэмандах амжилттай оролцон "Хөл"-өөр эвлүүлэх төрөлд 4-р байрт шалгарлаа.

Тэрбээр улсын дээд амжилтыг 30 секунд болгон шинэчилснээс гадна дэлхийн чансаанд #30 дугаарт, дундаж үзүүлэлтээрээ (39,05 секунд) дэлхийн чансаанд #40 дүгээрт бичигдэн тус төрөлдөө Монгол Улсын хамгийн өндөр чансаатай тамирчин боллоо.

“Хэрвээ бэлтгэл дээрх дундаж үзүүлэлтээ үзүүлж чадсан бол тэрээр энэ тэмцээнд түрүүлэх ч боломжтой байсан юм. Бага зэргийн сандрал орчны нөлөөллөөс болж нэлээд хэдэн алдааг гаргасан ч дараа дараагийн тэмцээндээ илүү их амжилт гаргах боломж байгааг олж харуулсан, өөртөө итгэх итгэлийг нэмэгдүүлсэн сайхан тэмцээн болж өнгөрлөө” гэж Монголын оюун ухааны академиас мэдээллээ.

Э.Эрдэнэмандах 8-р сарын 19-нд Тайваньд болох Азийн аварга шалгаруулах тэмцээнд оролцох юм.

М.Сугар-Эрдэнэ 2018.07.30

6