Хуавей ухаалаг утасны зах зээл дээрх борлуулалтаараа iPhone-ийг давжээ
Тэд чадаж байна.
Өнгөрсөн хагас жилийн хугацаанд Хуавей 54 сая гар утас борлуулж, өнгөрсөн жилээс 40 хувь илүү үзүүлэлт үзүүлж чаджээ. Энэ нь зөвхөн Эппл (Apple) компанийг даваад зогсохгүй зах зээлийг тэргүүлэгч Самсунг (Samsung) брэндтэй ойртон очих боломж өгсөн юм. Самсунг өнгөрөгч хагас жилд 70 сая гар утас борлуулсан бөгөөд өмнөх жилийнхтэй харьцуулахад 10 хувь буурсан үзүүлэлт юм. Харин Эппл 41 сая гар утас худалдаалсан юм. Ингэснээр Хуавей дэлхийн ухаалаг гар утасны зах зээл дээрх ХОЁР ДАХЬ хамгийн том үйлдвэрлэгч болж байна.
Хямд үнээр сая сая гар утсыг Азийн орнуудад зарж чадсан нь тэдний энэ амжилтын гол нөлөө юм гэж хүмүүс хэлж байна. Мөн зөвхөн Азийн орнуудаар тогтохгүй Европ, Африк зэрэг улсуудад эрчимтэй зарагдаж эхэлсэн.
АНУ-ын хувьд Хуавей гар утаснуудыг тэр болгон хэрэглэхгүй байгаа нь, мөн албан бус ёсоор хориглосон нь мэдээлэл алдагдах аюултай гэсэн ярианаас үүдсэн хэрэг байлаа. Гэхдээ Хуавей мэдээлэл алдагдах ямар ч боломжгүй гэж мэдэгдэл хийсэн юм. хэрэв Хуавей энэ байдлаараа АНУ-ийг оролцуулалгүйгээр хоёрт загсаж байгаа юм бол бусад улсуудад эрчимтэй зарагдаж эхэлбэл тун удахгүй зах зээлийг эзлэх боломжтойг ч шинжээчид ярьж байна.