Тоглолтын дундуур 20 минут ярилцлага өгсөн хаалгач
Хаалгач чихэвч, микрофонтой талбайд гарч, асуултанд хариулсан.
Өчигдөр Италийн “Ювентус” баг Америкийн МЛС лигийн ододтой нөхөрсөг тоглолт хийлээ. “Юве”гийн шинэ од Роналду тоглоогүй бол МЛС-ийн оддын багт мөн Златан Ибрагимович гараагүй билээ.
Тоглолтын үеэр ESPN-ий сэтгүүлчид Оддын багийн хаалгач Брэд Гьюзанаас шууд ярилцлага авсан. Хаалгач чихэвч, микрофонтой талбайд гарч, тоглолтын эхний 20 минутад асуултанд хариулсан. Энэ үеэрээ бас хамгаалагч нартаа зөвлөгөө өгч амжиж байлаа. Брэд ямар ч гэсэн ярилцлага дуустал гоол алдаагүй, гэхдээ 21 дэх минутад гоол алдсан билээ.
“Ювентус” – “МЛС лигийн одод” 1:1, пенальти – 5:3
“Мерседес-Бенц Стэдиум”, Атланта
“Ювентус”: Щесны (Перин, 46), Канселу (Ди Пардо, 74), Ругани, Барзальи (Бенатья, 46), Алекс Сандро (Де Шильо, 46), Хедира (Фагиоли, 46), Пьянич (Фернандес, 46), Жан (Кастанос, 46), Бернардески (Клеменца, 46), Фавилли (Бельтрам, 46), Перейра (Беруато, 65)
МЛС: Гьюзан (Стеффен, 46), Мурильо (Зуси, 46) Лонг (Паркхерст, 62), Симан (Хежес, 46) Кальво (Дэвис, 33, Йотун, 63), Адамс (Жованни Дос Сантос, 33, Захибо, 62), Ринг (Санчес, 46), Вела (Элис, 46), Альмирон (Валери, 46) Пьтти (Барко, 33, Кинтеро, 62), Мартинес (Жовинко, 32, Райт-Филиппс, 62)