Хүнд өвчтэй хятад бүсгүй уран зураач болжээ
Би зураг зурахын тулд амьдарч байгаа
Хятадын 40 настай эмэгтэй Чжан Цзюнли хүнд өвчний улмаас 32 жил орноосоо босоогүй байгаа. Түүний амьдралын сүүлийн хэдэн жил уран зурагтай холбоотой. Уран зураг л Цзюнлигийн амьдралын утга учир нь болж байгаа гэхэд болно.
Бүсгүй зургаа интернетээр зардаг, сайн ч борлогддог. Хүнд өвчтэй болохоор нь өрөвдөөд авдаг байх гэж бодож байвал эндүүрэл. Тун дажгүй бүтээлүүд байгаа шүү.
3 жилийн өмнөөс уран зураг оролдож эхэлсэн Чжан Цзюнли хэдийнэ 300 бүтээл гаргаж, уран зураачдын ертөнцөд байр сууриа олоод байна.
“Тэнгэр, үүл” гэсэн энэ зураг 666 юаниар зарагдсан.
Өвчний улмаас тэр бийрээ арай ядан барьдаг.
Гэвч тэр өвчнөө тэсэн, ажилласаар байдаг. Өвчинд бууж өгөхгүй.
Харин энэ бүтээлээ тэр өөртөө үлдээсэн. “Мөрөөдлийн хаант улс”
“Дэлхий ертөнц хэчнээн сайхан гэж бодно. Хүнд өвчтэй, хэцүү байдаг ч гэсэн би амьдралд хайртай” гэж тэр хэлсэн.
Үнэхээр тэр өвчинд бууж өгөлгүй амьдарсаар байна.
Зургаа зураад “Lily's Easel” онлайн дэлгүүрээрээ зарна. Түүний амьдралын түүхийг сонссон хүмүүс бүтээлийг нь тэр дор нь л худалдаад авчихдаг.
Чжаны ээж охиныхоо бүтээлд дуртай.
“Тэнгисийн зүрх” зураг 2333 юань хүрсэн.
Ажлын дундуур ус уух гэж завсарлага авна.
Бийрээ эрхий, долоовор хоёр хуруугаараа л барьж чадна.
Чжан 2015 онд нэгэн мэргэжлийн зураачаас тосон будгийн зургийн хичээл заалгаад шууд уран зурагт дурласан түүхтэй.
"Уран зураг намайг өөрчилсөн. Бийр анх барихдаа л би энэ бол миний амьдрал гэж ойлгосон. Би зураг зурахын тулд амьдарч байгаа”
Хэчнээн хэцүү байсан ч зурах, бүтээх хүсэл нь ямар ч өвчнөөс илүү хүчтэй.
“Манай гэрийн хаалга” зураг бол түүний хамгийн дуртай бүтээлийнх нь нэг. Энэ байшинд аав нь залуудаа амьдарч байжээ.
75x100 см хэмжээтэй зураг зурахад Чжан 7-12 өдөр зарцуулдаг.
Ёстой гайхамшигтай, эр зоригтой бүсгүй.