Гена матар, Чебурашкагийн зохиолч Эдуард Успенский таалал төгсчээ
Харамсалтай.
Бидний хүүхэд насны сайхан дурсамжуудын нэг болох өхөөрдөм хөөрхөн дэлдэн чихтэй Чебурашкагийн зохиолч Эдуард Успенский ийнхүү 80 насандаа өөд боллоо. Гена матар болон Чебурашка зэрэг тухайн үеийн ЗХУ-ын хамгийн алдартай дүрүүдийг энэ хүн бүтээж байсан юм.
Гена матрын адал явдал анх 1969 онд цацагдаж байсан билээ. Харин Чебурашка 1971 онд хүүхэлдэйн кино болон дэлгэцнээ гарч байв.
Эдуард 1937 онд Москвад төрж, оюутан байх үедээ хүүхдийн зохиолчоор ажиллаж эхэлжээ. 2000-аад оны үед Япон улсад Чебурашка маш олон хүнд танигдаж, хүмүүсийн дуртай хүүхэлдэй болсон ба хожим түүнээс сэдэвлэн шинэ хүүхэлдэйн кино хийсэн байдаг. Мөн 2004 оны Афины олимпийн үеэр Чебурашка нь ОХУ-ын баг тамирчдын албан ёсны бэлгэ тэмдэг болсон байдаг.