1 мин

Энэ сарын 25, 26-нд ТЭГШ, СОНДГОЙГООР дугаарын хязгаарлалт хийнэ

Нийслэлийн Засаг даргын зөвлөлийн хурал боллоо.

Э.Намуун 2018.08.16 34 25 23

2

Нийслэлийн Засаг даргын зөвлөлийн хурал боллоо. Өнөөдрийн хурлаар хичээлийн шинэ жил эхлэхтэй холбогдуулан тээврийн хэрэгслийн дугаарын хязгаарлалтад өөрчлөлт оруулах талаар мэдээллээ.

Энэ сарын 25, 26-нд буюу ирэх долоо хоногийн амралтын өдрүүдэд тээврийн хэрэгслийн дугаарын сүүлийн оронгоор нь тэгш, сондгойгоор хязгаарлах захирамжийг Хотын дарга батлав. Харин энэ долоо хоногийн буюу наймдугаар сарын 18, 19-ний амралтын өдрүүдэд дугаарын хязгаарлалт хийхгүй бөгөөд Замын цагдаагийнхан бүрэн бүрэлдэхүүнээрээ ажиллаж, зохицуулалт хийхээр болжээ.

Замын цагдаагийн албаны дэд дарга, цагдаагийн хурандаа Д.Дашдорж "Хичээлийн шинэ жил эхлэхтэй холбогдуулан замын хөдөлгөөнийг зохицуулах зарим шийдвэрүүдийг гаргасан. Зарим уулзвар дээр гэрлэн дохиог өөрчлөх, ачааны машинуудын хөдөлгөөнийг зарим газарт хязгаарлах, Нарантуул, Хархорин зэрэг томоохон худалдааны төвүүдийн орчмын замын хөдөлгөөнийг багасгах ажлуудыг хийж байна. Том оврын автомашинуудыг өдрийн цагаар хөдөлгөөнд оролцохыг хязгаарласан. Мөн сургуулийн хүүхдийг тээвэрлэх автобусанд үзлэг шалгалт хийж байна. Явган зорчигчийн хөдөлгөөн ихсэхтэй холбогдуулан хайс, хашлагууд нэмж барих шаардлагатай байгаа" гэв.

Э.Намуун 2018.08.16

2