2 мин
Өсвөр үеийнхэн өөрсдөө ч утсанд донтож буй өсвөрийнхөндөө санаа зовж байна
Амьд харилцааг эрхэмлэе.
О.Анхзаяа
48 
36 
36 
Нэгэн судалгаагаар ухаалаг гар утас өсвөр насныхны ой санамж, тогтоолтод нөлөөлж богино хугацааны л ой санамжтай болгож буйг тогтоожээ. Утаснаас ялгардаг туяа тархинд нөлөөлж, энэ нь зураг, дүрс зэрэг зүйлийг санах ой тогтоолтод нөлөөлж байгаа аж.
Долдугаар сард хэвлэгдэн гарсан Швейцарийн нэгэн судалгаанд 12-17 насны 700 гаруй хүүхдийг хамруулсан байна.
"Үүний хамгийн гол шалтгаан нь утас толгойд ойр байрладагтай холбоотой. Цахилгаан соронзон долгион нь хүний тархинд нөлөө үзүүлж, энэ нь санах ой, сэтгэцэд гүн нөлөөлдөг" хэмээн Швейцарийн нийгмийн эрүүл мэндийн хүрээлэн дэх байгаль орчин ба эрүүл мэндийн газрын дарга Мартин Рёсли хэлсэн байна.
Мөн АНУ-д 13-аас 17 насны хүүхдүүдийн дунд судалгаа явуулахад 54 хувь нь маш олон цагийг утсаа ширтэж, ашиглаж өнгөрүүлдэг болохыг тогтоожээ. Мөн хүүхдүүдийн 57 хувь нь утсаа аль болох оролдохгүйг хичээдэг боловч тусыг олдоггүй бололтой.
Дэлгэрэнгүй судалгааг харуулъя.
Ухаалаг гар утас: Өсвөр үеийнхний 54 хувь нь хэт их цагийг, 35 хувь нь тодорхой хэмжээний цагийг, 8 хувь нь л маш бага цагийг ухаалаг утсаа ашиглан өнгөрүүлдэг.
Олон нийтийн сүлжээ: 41 хувь нь маш их цагийг фэйсбүүк, твиттер, инстаграм зэрэгт зарцуулж байгаа бол, 43 хувь нь тодорхой хэмжээний бага цагийг, 13 хувь нь маш бага цагийг зарцуулдаг байна.
Видео тоглоом: 26 хувь нь маш их цагийг тоглоом тоглож өнгөрүүлдэг. 41 хувь нь тодорхой хэмжээний цагийг зарцуулдаг бол 22 хувь нь маш бага цагийг зарцуулдаг байна.
Мөн хөвгүүдээс илүү охид утасгүй удах юм бол гунигтай, ганцаардсан, цухалдсан мэдрэмж авдаг байна.
Дэлхий даяар ухаалаг утас, олон нийтийн сүлжээ, видео тоглоом зэрэгт донтсон хүмүүсийн тоо өдөр боглон нэмэгдэж байна. Утсаа доош нь тавьж, илүү амьд харилцааг бий болгоцгооё!
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
