Стивен Сигал ОХУ-д “халтуур” хийж чадах боллоо
Оросын баячуудын хурим, төрсөн өдрийн найр, ёслолд дуучин, хөтлөгчөөр оролцоод их мөнгө олж чадна гэж үзэж байна.
Америкийн жүжигчин Стивен Сигал ОХУ-д хувиараа бизнес эрхлэгч хэмээн албан ёсоор бүртгүүлсэн байна. Сигал эхнэр, хүүхдийн хамт сүүлийн үед Москвагийн ойролцоо Электросталь хотод амьдарч байгаа бөгөөд жилийн 70-80 хувьд ОХУ-д амьдарч байгаа аж. Түүнийг ОХУ-ын Ерөнхийлөгчийн тангараг өргөх ёслол, Ялалтын баярын үеэр ОХУ-д байгааг нь бид харсан.
Хувиараа бизнес эрхлэх салбарт Стивен Сигал тун олон салбар бүртгүүлсэн. Өөрөө ч үнэхээр олон төрлийн авьяастай хүн билээ. Мэдээж эхлээд спортын арга хэмжээ, дараа нь бичлэг, урлаг, шоуны салбарт бүртгүүлжээ.
Удахгүй Сигал дуу хөгжмийн цомог гаргах төлөвлөгөөтэй байгаа гэнэ. Сигалын менежер Рейбанд түүнийг Оросын баячуудын хурим, төрсөн өдрийн найр, ёслолд дуучин, хөтлөгчөөр оролцоод их мөнгө олж чадна гэж үзэж байна.