Билл Клинтон, хувраг лам хоёр Ариана Грандед бэлгийн дарамт үзүүлжээ
Ариана оршуулгын ёслол дээр байгаа тулдаа биеэ барьж, ламтанг зүгээр орхижээ.
Соул хөгжмийн хатан хаан хэмээн нэрлэгдсэн алдарт дуучин Арета Франклиний оршуулгын ёслол дээр АНУ-ын Ерөнхийлөгч асан Билл Клинтон, ёслолыг хөтөлсөн хувраг лам Чарльз Эллис нарын биеэ авч явсан байдал олны дургүйцлийг төрүүлээд байна.
Билл Клинтоны хувьд Ариана Грандег дуулж байхад араас нь гөлрөн ширтэж, амаа ангайлган, бараг шүлсээ гоожуулж байсан нь интернет мем болон хувираад байгаа. Гэвч биенд нь хүрээгүй тул түүний нүгэл лам багшийнхаас хөнгөн байгаа юм.
Харин Эллис ламтан дуучны цээж, хөхөнд ил тод хүрч байгаа бичлэг YouTube-д тавигдсанаар хүчирхийлэл үйлдсэн гэж тооцогдож байна. Ариана оршуулгын ёслол дээр байгаа тулдаа биеэ барьж, ламтанг зүгээр орхижээ.
Арианагийн шүтэн бишрэгчид #RespectAriana (Арианаг хүндэл) гэсэн хештег гаргаж, эмэгтэйчүүдийн эрх, эрх чөлөөний төлөө тэмцэж явсан агуу дуучны оршуулгын ёслол дээр ийм явдал болсонд дургүйцэж байгаагаа илэрхийлж байна.
Франклин наймдугаар сарын 16-нд 76 настайдаа хорт хавдраар насан эцэс болсон. Тэр бол Рок-н-роллын Алдрын танхимд орсон анхны эмэгтэй дуучин бөгөөд 2008 онд түүнийг Rolling Stone сэтгүүл түүхэн дэх хамгийн агуу дуучин хэмээн нэрлэж байв.