“Жэби шуурганд монгол иргэн өртсөн гэх мэдээлэл байхгүй”
Гадаад харилцааны яамнаас мэдээллээ.
Японы Осака муж, Кансай бүсийг дайрсан хүчтэй хар салхины уршгаар өнөөдрийн байдлаар 10 хүн нас барж, 229 хүн бэртээд байна. “Жэби” шуурганы улмаас тус улсын баруун зүгийн нутгуудаар хөрсний гулгалт үүсч, хүчтэй аадар бороо орж байгаагийн зэрэгцээ салхины хурд 172 км/цагт хүрсэн тул онгоцны нислэг, галт тэрэг болон зарим замын хөдөлгөөнийг түр хаажээ.
Зураг: www.nytimes.com
Япон улсад манай улсын нийт 7000 гаруй иргэн, үүнээс Кансай бүсэд 300 орчим иргэн оршин суудаг бөгөөд монгол иргэн шуурганд өртсөн гэх мэдээлэл байхгүйг Осака дахь Ерөнхий консулын газраас мэдэгдсэн болно.
Эх сурвалж: Гадаад харилцааны яам