1 мин

ОХУ-ын “Мечел” компани Японд жилд сая тонн нүүрс гаргана

Мечел” жил болгон 1 сая тонн нүүрс нийлүүлэх үүрэг хүлээсэн байна.

М.Сугар-Эрдэнэ 2018.09.11 41 40 23

3

ОХУ-ын Приморийн хязгаарын Посьет боомтыг эзэмшигч “Мечел” компани Азийн гангийн том компани болох Japan Future Enterprise Steel (JFE Steel, Япон)-тэй нүүрс нийлүүлэх гэрээ байгууллаа. Гэрээ ёсоор “Мечел” жил болгон 1 сая тонн нүүрс нийлүүлэх үүрэг хүлээсэн байна. Нүүрсний үнийг тухайн үеийн зах зээлийн ханшаар бодох аж. Коксжсон нүүрсийг ихэнхийг Нерюнгринск орд газраас олборлож, багахан хэсгийг Эльгинээс авах гэнэ. Энэ нь Оросын нүүрсний компани Японы гангийн том компанитай байгуулсан анхны удаан хугацааны гэрээ юм.

Японд цөмийн цахилгаан станцаа нүүрсний цахилгаан станцаар солих бодлого баримталж эхэлж байгаа тул нүүрсний зах зээлд тун хүчтэй орох шинжтэй гэж шинжээчид үзэж байна. Япон улс сард 10-11 сая тонн нүүрс авдаг ч өнгөрсөн зургаадугаар сард 54 саяыг худалдан авсан байна.
ОХУ нүүрсний нөөцөөрөө дэлхийд АНУ-ын дараа 2-т ордог ч олборлолтоор 6-д бичигддэг. Учир нь ОХУ байгалийн хийгээр баялаг тул нүүрсний дотоодын хэрэглээ бага. Дэлхийд хамгийн их нүүрс экспортолдог орны жагсаалтад ОХУ Индонез, Австралийн дараа 3-т бичигдэж байна.

М.Сугар-Эрдэнэ 2018.09.11

3