В.Путин, Ши Жиньпин нар уулзлаа
БНХАУ-ын тэргүүн Дорнын эдийн засгийн чуулга уулзалтад анх удаагаа оролцож байна.
ОХУ-ын Владивосток хотноо болж байгаа Дорнын эдийн засгийн IV чуулга уулзалтад оролцохоор хүрэлцэн ирсэн Хятадын тэргүүн Ши Жиньпинийг ОХУ-ын Ерөнхийлөгч В.Путин өнөөдөр хүлээн авлаа. Талууд ОХУ, БНХАУ-ын хооронд улстөр, аюулгүй байдлын салбарт харилцан итгэсэн харилцаа байгааг онцлон тэмдэглэлээ.
“Орос- Хятадын харилцааг сайжруулахад таныг өөрийн биеэр оролцож байгааг би мэднэ. Бид үргэлж харилцаа холбоотой байдаг. Таныг ОХУ-д хүлээн авч байгаадаа баяртай байна” В.Путин
Хоёр улсын худалдааны эргэлт жил бүр 30 хувиар өсөж байгаа тул энэ жилдээ 100 тэрбум долларт хүрэх байх гэж В.Путин тэмдэглэсэн.
“Москва, Бээжин хоёр үргэлж холбоотой байгаа. Би тантай санаа бодлоо солилцож, нягт хамтран ажиллахдаа өнөөдөр ч, цаашдаа ч бэлэн байна” Ши Жиньпин
БНХАУ-ын тэргүүн Дорнын эдийн засгийн чуулга уулзалтад анх удаагаа оролцож байна.