Японоор ярьдаг нохой цахим ертөнцийн од болж байна
Идэх гэдэг үгийг тун тод хэлж байгаа нь сонсогдоно.
Бени хэмээх нэртэй шиба ину үүлдрийн нохой цахим ертөнцөд од болж байна. Энэ нохой хүний хэлээр, тодруулбал японоор ярьдаг. Эзэн нь түүнд хэл зааж байгаа бөгөөд бичлэгээс харахад Бени тун амжилттай сурч байгаа бололтой.
Түүний яриа твиттер дээр гарснаас хойш 100 мянган хүн үзэж сонирхоод байгаа юм. Бүх үгийг хэлж чадахгүй ч идэх буюу табэрү, ханбаагү буюу хамбургер гэсэн үгнүүдийг тун тод хэлж байгаа нь тод сонсогдоно.
Хичээлийн дараа амттай хоол өгдөг тул Бени тун хичээнгүй суралцаж байна. Ухаантай нохойг твиттер, инстаграм дээр дагагчдын тоо эрс нэмэгдэж, зарим хүн нохойндоо хэл зааж эхэлжээ.