Алла Пугачева хүүхдүүдийнхээ төрсөн өдрийг 2 сая рублиэр тэмдэглэв
Жасмин, Сергей Лазарев, Светлана Лобода, Александр Ревва, Филипп Киркоров, Николай Басков нарын алдартнууд иржээ.
ОХУ-ын алдарт дуучин Алла Пугачева, түүний нөхөр Максим Галкин нар Гарри, Лиза хүү охин хоёрынхоо төрсөн өдрийг энэ сарын 18-нд нижгэр тэмдэглэлээ. Ихрүүдэд зориулсан төрсөн өдрийн баярт Жасмин, Сергей Лазарев, Светлана Лобода, Александр Ревва, Филипп Киркоров, Николай Басков нарын алдартнууд иржээ.
Найр Рублевкагийн "Шале Березка” ресторанд болсон бөгөөд рестораны түрээсэнд 1.5 сая рубль, зурагчдад 50 мянган рубль төлж, үлдсэн 450 мянган рубль хоол унданд зарцуулагджээ.
Төрсөн өдрийн баярын зугаа цэнгэл, шоуны талыг Филипп Киркоровын “PhillParty” агентлаг хариуцсан байна. Гэхдээ Киркоров хуучин эхнэрээсээ мөнгө аваагүй бололтой. Уг нь бол түүний агентлаг нэг баяр зохион байгуулахад 3 сая рубль авдаг аж.