Солонгосын удирдагчид Пэктусан ууланд гарлаа
Энэ ууланд солонгос үндэстэн үүссэн гэж түүхэн сурвалжид дурдсан байдаг.
Хоёр Солонгосын дээд хэмжээний уулзалт Пхеньянд болж өнгөрсөн билээ. Энэ уулзалтын үеэр Хойд Солонгосын удирдагч Ким Жон Ун БНСУ-ын Ерөнхийлөгч Мүн Жэ Инийг Пэктусан ариун ууланд гаргаж, үзүүллээ. Пэктусан нь галт уул бөгөөд хоёр Солонгосын сүлд дуунд дурдагддаг ариун дагшин уул юм. Энэ ууланд солонгос үндэстэн үүссэн гэж түүхэн сурвалжид дурдсан байдаг.
Солонгосын дайн, зөрчлийн улмаас өмнөдүүд энэхүү ариун ууландаа гарч чадахгүй олон жил болсон. Уулан дээрх Тэнгэрийн нууранд хоёр Солонгосын удирдагчид гэргий нарын хамт дурсгалын зураг авахууллаа. Өмнөдийн Ерөнхийлөгч ариун нуурны уснаас шилэнд хийн авч, ихэд баярлаж байгаа нь харагдав.