1 мин
ВИДЕО: Б.Энхцэцэг Залуучуудын ДАШТ-ээс хүрэл медаль авлаа
Монголын бөхчүүдийн залуучуудын ДАШТ-ий 28 дахь хүрэл медаль болж байгаа юм
М.Сугар-Эрдэнэ
33 
30 
Чөлөөт бөхийн залуучуудын Дэлхийн аварга шалгаруулах тэмцээн Словакийн Трнава хотод үргэлжилж байна. Эмэгтэйчүүдийн 53 кг-ийн жинд залуучуудын Азийн АШТ-ий хүрэл медальт, өсвөр үе, залуучуудын улсын аварга, “Аврагч” спорт хорооны тамирчин Батбаатарын Энхцэцэг хүрэл медаль хүртэв. Б.Энхцэцэг Трнавагийн дэвжээнд манай тамирчдын анхны хүрэл медалийг авчирч байна. Энэ нь Монголын бөхчүүдийн залуучуудын ДАШТ-ий 28 дахь хүрэл медаль болж байгаа юм гэж Монголын чөлөөт бөхийн холбооноос мэдээллээ.
Тэрбээр нийт таван барилдаан хийсэн бөгөөд тэгшитгэлд өсвөр үеийн ДАШТ-ий хүрэл, Азийн АШТ-ий алт, мөнгөн медальт Украины Вероника Рябоволоваг 10:5-аар ялсан.
1/8 шигшээд өсвөр үе, залуучуудын Азийн АШТ-ий хүрэл медальт Узбекистаны Актенге Кунимжаевад цэвэр ялагдсан.
Узбек бөх шигшээд шалгарснаар түүнд дагах барилдаан гарсан. Дагах барилдаанд Болгарын Кремена Петроваг оноогоор цэвэр (10:0) яллаа.
Мөн энэ жилийн залуучуудын Европын дэд аварга Азербайжаны Татьяна Варансоваг 14:6-гаар ялсан.
Хүрэл медалийн төлөөх барилдаанд АНУ-ын Алиша Сью Хоукийг оноогоор цэвэр (11:0) ялснаар дэлхийн аваргаас медаль хүртлээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа