Ёкозүнагийн зөвлөл: Кисэносато 10 давсанд санаа амарлаа
Зодог тайлуулах талаар яриа гарсангүй.
Японы сүмо бөхийн холбооны Ёкозүнагийн зөвлөл энэ сарын 24-нд хуралдаж, Намрын тэмцээний талаар хэлэлцлээ. Найман башё өнжөөд байсан ёкозүна Кисэносато Аки башёд зодоглож, 10 давсанд бүгд баяртай байгаагаа илэрхийлжээ.
Зөвлөлийн тэргүүн Китамүра Масато “Зөвлөлийн гишүүд бүгд санаа амарлаа гэж хэлж байлаа. Зодог тайлуулах талаар яриа гарсангүй. Эргэн ирэлтийн эхлэл тавигдсан тул ирэх тэмцээнд түүнийг харах болно. Барилдааныг нь харахад сулхан, тааруу барилдаан хэд хэд байлаа. Ирэх тэмцээнд энэ дутагдлаа засаж, жинхэнэ эргэн ирэлт хийх ёстой. Кюүшюүд эхний өдрүүдэд унахгүй барилдахыг хичээх хэрэгтэй” гэж сэтгүүлчдэд мэдээллээ.
Мөн Зөвлөлөөс 41 дэх түрүүгээ авсан их аварга Хакүхог “Үнэхээр хүчтэй аварга юм” гэж үнэлсэн бол Какүрюүг “Эхний 10 өдөр тун сайн барилдсан” гэж дүгнэжээ.