Серена Уильямс цээж нүцгэлэн, дууллаа
Серена Уильямс хөхний хорт хавдрын эсрэг тэмцэлд нэгдлээ.
Америкийн алдарт теннисчин Серена Уильямс хөхний хорт хавдрын эсрэг тэмцэлд нэгдлээ. Эмэгтэйчүүдийн эрүүл мэндэд олны анхаарлыг татах зорилготой “I Touch Myself Project” төслийн хүрээнд Серена цээж нүцгэлэн, Австралийн рок хамтлаг “Divinyls”-ийн “I Touch Myself” дууг дуулсан юм. Тус хамтлагийн гоцлол дуучин Кристина Ампфлетт 53 настайдаа хөхний хорт хавдраар ертөнцийн мөнх бусыг үзүүлсэн билээ.
Серена Уильямс эмэгтэйчүүдийн эрхийг хамгаалах ажилд идэвхтэй оролцдог, олон нийтийн сүлжээгээр ч байнга хэлж, бичдэг. Тэрбээр “Би дэлхийн бүх эмэгтэйчүүдийн төлөө энэ арга хэмжээнд нэгдсэн. Хэрэв энэ өвчнийг эрт үед нь илрүүлвэл эдгэрэх магадлал маш өндөр болдог юм шүү. Эмэгтэйчүүдээ эрүүл мэндээ бодоорой” гэж инстаграм хуудсаараа дамжуулан уриалсан байна.