Кремлев: Холимог тулаан бол их спортод амжилт олоогүй хүн очдог газар
Холимог тулаан бол спорт биш гэжээ.
ОХУ-ын Боксын холбооны Ерөнхий нарийн бичгийн дарга Умар Кремлев “Команда России” сайтад ярилцлага өглөө. Тэрбээр Хабиб, Конор нарын тулааны талаар ярихдаа холимог тулааныг юу гэж үздэгээ хэлсэн байна.
Кремлев “Би холимог тулаан үздэггүй. Үнэнийг хэлэхэд холимог тулааныг спорт гэж тооцдоггүй. Мэдээж нутаг нэгт Хабибаа ялаасай гэж бодож байгаа. Гэхдээ холимог тулаан нэр хүнд, шагналын мөнгөөрөө хэзээ ч бокстой эн зэрэгцэж чадахгүй. Боломжгүй зүйл. Бокс бол түүх, соёл, хүндэтгэл. Бокс бол спорт, спортын зарчим, спортын үзэл санаа. Харин холимог тулаан гэж юу билээ дээ. Спорт биш. Их спортод амжилт олоогүй тамирчид очдог газар” гэж хэлжээ.