ВИДЕО: Алина Загитовагийн шинэхэн халуухан төрх
Aлина бие барьсан хар хувцастай гарч ирэн, компьютер тоглоомын Лара Крофтын дүрийг бүтээсэн юм.
Германд болсон уран гулгалтын Nebelhorn Trophy тэмцээнд дэлхийн 3 рекорд амжилт тогтоон түрүүлсэн ОХУ-ын тамирчин Алина Загитова үзүүлэх тоглолт дээр ч олны анхаарлыг татаж чадлаа. Алина бие барьсан хар хувцастай гарч ирэн, компьютер тоглоомын Лара Крофтын дүрийг бүтээсэн юм.
Тэр хэд хэдэн хүнд үсрэлт гүйцэтгэсэн ч үзэгчид түүний дасгалд биш гадна төрх, хувцсанд нь хандаад байлаа.
Залуу тамирчны шинэ төрх фэнүүдийг нь гайхуулсан ч тэд тун баяртай байв. Зарим нь олон нийтийн сүлжээнд "Энэ үзүүлбэрийн дараа Алинаг эмэгтэйлэг биш, жоохон байна гэж шүүмжлээд үз л дээ. Гурван дэлхийн рекорд дээр нэмээд шинэ халуун төрх. Загитовагаас мундаг тамирчин үгүй" гэж бичжээ.
Мөн нэгэн фэн "Түүнд сайхан зохиж байна. Гоолиг биеийг нь барьсан хувцас, хөгжим, Алинагийн эрч хүч гээд шүтэхгүй байхын арга алга" гэжээ.