Сынри BIGBANG-ийн цэргүүдтэйгээ уулзлаа
Сынри ирэх оны эхээр цэргийн алба хаахаар болсноо саяхан болсон хэвлэлийн бага хурал дээр мэдэгдсэн.
Өмнөд Солонгосын алдарт "BIGBANG" хамтлагийн 5 гишүүний 4-нь цэргийн алба хааж байгаа билээ. Үлдсэн ганц гишүүн болох Сынри саяхан болсон БНСУ-ын Зэвсэгт хүчний фестиваль (2018 Army Festival) дээр Тэян, Дэсон нартай уулзсан байна.
Хамт авахуулсан зургаа инстаграмд оруулж, "Байлдагч Дон Ёнбэ, Кан Дэсон нартай уулзлаа. Тэд эх орноо хамгаалах ариун үйлсдээ үнэнч зүтгэж байна" гэж бичжээ.
Сынри ирэх оны эхээр цэргийн алба хаахаар болсноо саяхан болсон хэвлэлийн бага хурал дээр мэдэгдсэн. "Би аль болох хурдан цэрэгт явмаар байна. Учир нь ингэж байж манай BIGBANG хамтлаг хурдан эргэн ирэлт хийх болно. Бусад маань албаа нэр төртэй хааж байгаа" гэж хэлсэн юм.